Sunday, May 27, 2012

School Election Software - Freeware

School Election Software - Freeware
(സ്കൂള്‍ ഇലക്ഷന്‍ പ്രോഗ്രാം)


സ്കൂളുകള്‍ക്ക് വേണ്ടിയുള്ള ഇലക്ഷന്‍ സോഫ്റ്റ്വെയര്‍ സൗജന്യമായി ഡൌണ്‍ലോഡ് ചെയ്യാം. വിന്‍ഡോസില്‍ പ്രവര്‍ത്തിക്കുന്ന ഈ  സോഫ്റ്റ്വെയര്‍  മലയാളത്തിലും ഇംഗ്ലീഷിലും ലഭ്യമാണ്.

Download Freeware program for conducting School Elections. This software works with Windows Platforms.

External Download Links:

minus.com Links:-
School Election 4.0 Standard Edition
(3.0 MB)

(3.7 MB)

അല്ലെങ്കില്‍
4shared Links:-

(3.7 MB)

(2.2 MB) (Must Download Standard Edition also!)
---------------------------------------------------------
This Program Needs Adobe Acrobat Reader Download it from here!

Saturday, May 19, 2012

ശുക്രസംതരണം സംസ്ഥാന ശില്‍പശാല


     കേരള ശാസ്ത്ര സാഹിത്യ പരിഷത്, മലപ്പുറം അമേച്വര്‍ അസ്‌ട്രോണമേഴ്‌സ് സൊസൈറ്റി, ആസ്‌ട്രോ കേരള എന്നിവയുടെ ആഭിമുഖ്യത്തില്‍ ശുക്രസംതരണം (Transit of Venus - TOV) സംസ്ഥാന ശില്‍പശാല 19.05.2012 ന് മലപ്പുറം പരിഷത് ഭവനില്‍ വച്ച് നടന്നു. രാവിലെ 9 മണി മുതല്‍ വൈകീട്ട് 5 വരെ നടന്ന പരിശീലന പരിപാടിയില്‍, വരുന്ന ജൂണ്‍ 6 ലെ ശുക്രസംതരണം എന്താണെന്ന് അടുത്തറിയാനും അതാത് മേഖലകളില്‍ പരിപാടികള്‍ സംഘടിപ്പിക്കാന്‍ സംസ്ഥാനത്തിന്റെ എല്ലാ ജില്ലകളില്‍ നിന്നുമുള്ള പ്രതിനിധികള്‍ക്ക് പരിശീലനം നല്‍കാനും സാധിച്ചു. കേരള ശാസ്ത്ര സാഹിത്യ പരിഷത് പ്രവര്‍ത്തകര്‍, മാര്‍സ് പ്രവര്‍ത്തകര്‍, ആസ്‌ട്രോ കേരള പ്രവര്‍ത്തകര്‍, അധ്യാപകര്‍, ജ്യോതിശാസ്ത്ര തത്പരര്‍ തുടങ്ങി നൂറിലധികം ആളുകള്‍ പങ്കെടുത്തു.


     ശ്രീ. രമേശ് കുമാര്‍ (KSSP) സ്വാഗതം നിര്‍വഹിച്ച ചടങ്ങില്‍ ശ്രീ. വേണു (KSSP) അധ്യക്ഷത വഹിച്ചു. മുഖ്യാതിഥി പ്രൊഫ. കെ.പാപ്പൂട്ടി ഉദ്ഘാടനം നിര്‍വഹിക്കുകയും തുടര്‍ന്ന് TOV യുടെ ചരിത്രവും പ്രാധാന്യവും സംബന്ധിച്ച് ക്ലാസ് എടുക്കുകയും ചെയ്തു. തുടര്‍ന്ന് ശ്രീ. കെ.വി.എസ് കര്‍ത്താ, ശ്രീ. ബാലകൃഷ്ണന്‍ മാഷ്, ശ്രീ. ശ്യാം വി.എസ് എന്നിവരുടെ നേതൃത്വത്തില്‍ ട്രൂ നോര്‍ത്ത് കണ്ടെത്തല്‍, സമാന്തര ഭൂമി, നാനോ സോളാര്‍ സിസ്റ്റം, 110ന്റെ മാജിക്, ബോളും കണ്ണാടിയും-സൂര്യദര്‍ശിനി നിര്‍മാണം, പിന്‍ഹോള്‍ ക്യാമറ, സൂര്യനെത്ര ദൂരെ? തുടങ്ങിയ പ്രവര്‍ത്തനങ്ങള്‍ നടത്തി.


        തുടര്‍ന്ന് മനോജ് കോട്ടക്കല്‍ (MAARS) TOV സംബന്ധിച്ചുള്ള പ്രസന്റേഷനും വീഡിയോകളും 2004 ലെ TOV അനുഭവങ്ങളും അവതരിപ്പിച്ചു. ശേഷം, വിവിധ ജില്ലകളിലെ പ്രതിനിധികള്‍ക്ക് TOV റിസോഴ്‌സ് സി.ഡി വിതരണം ചെയ്തു. ശ്രീ.ബാലഭാസ്‌കരന്‍ (KSSP) നന്ദി പറഞ്ഞു.




















Tuesday, May 8, 2012

2012 ജൂണ്‍ 6 ന് ശുക്രസംതരണം (Transit of Venus)

2012 ജൂണ്‍ 6 ന് ശുക്രസംതരണം (Transit of Venus)


ഒരു സ്ഥലത്തു നിന്നു നിരീക്ഷിക്കുമ്പോള്‍, ഏതെങ്കിലും ഒരു ജ്യോതിശാസ്ത്രവസ്തു മറ്റൊരു ജ്യോതിശാസ്ത്രവസ്തുവിന്റെ മുന്നിലൂടെയോ പിന്നിലൂടെയോ കടന്നു പോകുന്നതായി കാണുന്ന ജ്യോതിശാസ്ത്രപ്രതിഭാസത്തിനാണു സംതരണം (astronomical transit) എന്നു പറയുന്നത്. ബുധന്‍, ശുക്രന്‍ എന്നീ ഗ്രഹങ്ങള്‍ ഭൂമിയ്ക്കും സൂര്യനുമിടയില്‍ വരുന്ന അവസ്ഥയിലാണ് സംതരണം സംഭാവ്യമാവുന്നത്. ഒരു നൂറ്റാണ്ടില്‍ പതിമൂന്നോ പതിന്നാലോ തവണ ബുധസംതരണം ഉണ്ടാകുന്നുവെങ്കില്‍ ശുക്രസംതരണം ഒന്നോ രണ്ടോ പ്രാവശ്യം മാത്രമേ സംഭവിക്കുകയുള്ളൂ. കഴിഞ്ഞ ശുക്രസംതരണം 2004 ജൂണ്‍ എട്ട് ചൊവാഴ്ച രാവിലെ 10.43 ഓടെയാണ്  ദൃശ്യമായത്.

ശുക്രസംതരണം - ട്രാന്‍സിറ്റ് ഓഫ് വീനസ് - സൂര്യഗ്രഹണത്തിന് സമാനമായ പ്രതിഭാസമാണ്. സൂര്യഗ്രഹണ സമയത്ത് ഭൂമിക്കും സൂര്യനും ഇടയില്‍ ചന്ദ്രന്‍ വരുന്നു. ശുക്രസംതരണത്തിന് ഭൂമിക്കും സൂര്യനും ഇടയില്‍ ശുക്രനാണ് വരുന്നത് എന്നത് പ്രധാനവ്യത്യാസം.

MAARS ശുക്രസംതരണം കാണാന്‍ അവസരമൊരുക്കുന്നു. കാത്തിരിക്കൂ...