Saturday, March 31, 2012

എര്‍ത്ത് അവര്‍-ഭൂമിക്കായി ഒരു മണിക്കൂര്‍!


2012, 31 ശനിയാഴ്ച രാത്രി 8.30 മുതല്‍ 9.30 വരെ വൈദ്യുത വിളക്കുകള്‍ അണച്ചും വൈദ്യുത ഉപകരണങ്ങള്‍ നിര്‍ത്തിവച്ചും നാളെത്തെ ഭൂമിക്കായി എര്‍ത്ത് അവര്‍ ആചരിക്കൂ.
.


.
ആഗോള താപനത്തിന്റെ ഭാഗമായുണ്ടാവുന്ന കാലാവസ്ഥാ വ്യതിയാന ഭീഷണിക്കെതിരായ ബോധവൽ‌ക്കരണത്തിന്റെ ഭാഗമായി വേൾഡ് വൈഡ് ഫണ്ടിൻറെ (WWF: World Wide Fund for Nature ) ആഭിമുഖ്യത്തിൽ, എല്ലാ വർഷവും മാർച്ച് മാസത്തിലെ അവസാന ശനിയാഴ്ച രാത്രി 8.30 മുതൽ 9.30 വരെ ലൈറ്റുകൾ ഉൾപ്പെടെ എല്ലാ വൈദ്യുതോപകരണങ്ങളും ഓഫ് ചെയ്താണ്,ലോകമെമ്പാടും എർത്ത് അവർ ആചരിക്കുന്നത്. ആഗോളതാപനത്തിനും കാലാവസ്ഥാ വ്യതിയാനത്തിനും ഇടയാക്കുന്ന പ്രവർത്തനങ്ങളിലും ജീവിതശൈലിയിലും മാറ്റം വരുത്താൻ ലോകജനതയെ പ്രേരിപ്പിച്ച്, വൈദ്യുതി ഉപയോഗം, ഹരിത ഗൃഹ വാതകങ്ങളുടെ പുറന്തള്ളൽ എന്നിവ കുറയ്ക്കുക വഴി ഭൂമിയെ രക്ഷിയ്ക്കുകയെന്നതാണ്‌ എർത്ത് അവർ അഥവാ ഭൗമ മണിക്കൂർ യജ്ഞം.
.


.


.




Thursday, March 15, 2012

അപൂര്‍വ ഗ്രഹസംഗമം


മലപ്പുറം: അപൂര്‍വ ഗ്രഹസംഗമം കാണാന്‍ നൂറുകണക്കിന് ആളുകളെത്തി. ഗ്രഹഭീമനായ വ്യാഴവും വെള്ളി പോലെ തിളങ്ങുന്ന ശുക്രനും വെറും മൂന്നു ഡിഗ്രി അകലത്തില്‍ അടുത്തടുത്തായി നില്‍ക്കുന്ന മനോഹരമായ കാഴ്ച കാണാന്‍ മാര്‍ച്ച് 14 ന് വൈകീട്ട് മലപ്പുറം കുന്നുമ്മല്‍ കെ.എസ്.ആര്‍.ടി.സി പരിസരത്ത് കേരള ശാസ്ത്ര സാഹിത്യ പരിഷത്തിന്റെ ജ്യോതിശാസ്ത്ര കൂട്ടായ്മയായ മാര്‍സ് വേദിയൊരുക്കി.. ശക്തിയേറിയ രണ്ട് ടെലിസ്‌കോപ്പുകള്‍ വഴി വ്യാഴം, ശുക്രന്‍ എന്നിവയെ നിരീക്ഷിച്ചു. മനോജ് കോട്ടക്കല്‍, അബ്ദുല്‍ ഗഫൂര്‍, ആനന്ദമൂര്‍ത്തി, ബ്രിജേഷ് പൂക്കോട്ടൂര്‍, പ്രമോദ്, ബിജു മാത്യു എന്നിവര്‍ പരിപാടിക്ക് നേതൃത്വം നല്‍കി.







Saturday, March 10, 2012

ഗ്രഹസംഗമം


ഗ്രഹഭീമനായ വ്യാഴവും വെള്ളി പോലെ തിളങ്ങുന്ന ശുക്രനും വെറും മൂന്നു ഡിഗ്രി അകലത്തില്‍ അടുത്തടുത്തായി നില്‍ക്കുന്ന മനോഹരമായ കാഴ്ച കാണാന്‍ മാര്‍ച്ച് 14 ന് വൈകീട്ട് മലപ്പുറം കുന്നുമ്മല്‍ പരിസരത്ത് കേരള ശാസ്ത്ര സാഹിത്യ പരിഷത്തിന്റെ ജ്യോതിശാസ്ത്ര കൂട്ടായ്മയായ മാര്‍സ് വേദിയൊരുക്കുന്നു. ശക്തിയേറിയ ടെലിസ്‌കോപ്പുകള്‍ വഴി വ്യാഴം, ശുക്രന്‍ എന്നിവയെ നിരീക്ഷിക്കുവാനുള്ള സൗകര്യം ഉണ്ട്. ഗ്രഹങ്ങളെ തിരിച്ചറിയുന്നതിനും അന്ധവിശ്വാസങ്ങള്‍ അകറ്റുവാനും ഈ അവസരം  പ്രയോജനപ്പെടുത്തൂ.


കൂടുതല്‍ വിവരങ്ങള്‍ക്ക്:

ആനന്ദമൂര്‍ത്തി 94 00 62 59 00
ബ്രിജേഷ് പൂക്കോട്ടൂര്‍   99 61 25 77 88
മനോജ് കോട്ടക്കല്‍   94 46 35 24 39